Fai quauques temps me faguèi trachar de dinosaur. Aura que quò es digerit comence de ò prenèr per un compliment mas sul moment era pas agradiu dau tot.
Avia l’eschasença de platussar de musica amb ‘na dròla (lo fau pas esprès, lo jure) qu’a gaireben la meitat de mon atge. La devia far un espausat sus “lo rock de las annadas 70 a las annadas 90″ e me damandèt d’ajuda.
comencei per èsser content que la me solicitèsse, sabe bien que per ‘na adò “ajudar” vòu suvent dire “far a ma plaça”, e volià pas tombar dins la trapela. N’autra complicacion era lo nom que la balhava aus corrents musicaus que se seguissèren dins lo periòde, entre quilhs que disiam n’autres e quilhs que disen aurala comptibilitat es pas totjorn segurada, i a de las paraulas que lor sens a evoluit, entau benlèu jos la pression d’MTV, sab-pas.
La solucion que trapei era de lhi passar ‘na colona de mos CDs (e quauquas K7 amb lo mòde d’emplec) e los companhar de ‘na fuèlha A2 ente eran escrich los noms dau grops, plaçats de tala maniera que quilhs qu’avian d’afinitats se costejavan. Entau segon coma la volia usar de tala apleacion ò de tal’autra, ieu me contentei de metre en clarda las semblanças.
Bon sabe que seria interessent si tornave trobar quèla #@^^~&¥% !! de fuèlha mas l’ai pas de vos mostrar.
Me sembla que faguei bien de m’avançar pas dins deguna apelacion ! entendei aura que per trobar dau rock’n rollfau ‘na querre dins los bacs Metal. Quò me sadola mas qu’es entau. Per trobar Aerosmith e los Guns’n Roses me fau ‘nar querre a Metal, me sembla pas normau.
Ben, tota contenta de s’èsser un pauc nettiat entre las aurelhas (escotava dau discò un an en darrièr) me dissèt
“C’est plus Hard-rock que Métal, des trucs de dinausores, quoi
a l’encòp sabia bien que s’atacava pas a l’actu !
_Ah ,*la charra que se lonja* et … t’as aimé des trucs ?
_Ouais y’en a c’est pas mal (en me mostrar Paranoid de Black Sabbath ),
puèi si de no sus lo periòde en generau
_Ça t’intéresse que je te grave des trucs,
_Oui celui là…”
… e la me mostra Viva Bertaga daus Berus Ooof, quèla droleta es normala
Aura qu’es-v-èla que me passa daus CDs e daus MP3.
Vielh dinausor vai !!
(sortiiiii >>>)
Suèi pas ieu que parlèi de vielhum lo prumièr !
Adieu! Aviái pas vist qu’aviás fach un blòg! Lo vau apondre dins ma lista dau bloguitge
E.. Vièlh dinosaur
E cala-te pichon, que sabes pas çò que dises !
Sinhat : la vielha…
Vau far l’anonça sus lo Forum tots los biais.
Miladiu, qu’es lo MP3 que se trufa dau vinyl ! Mercès Lutz
Lo MP3, es ja dau passat
Siáu de la generacion seguenta 
Tant qu’escotatz totjorn dau Rock ‘n Roll !
Si de non lo vinyl, qu’es la generacion davant la mèuna totparièr !
Lo problema ven de la generacion seguenta (pas la mieuna, la seguenta), que crei que Tokio Hotel es de rock’n'roll
Compreni pas arren ad aqueste lengatge estranh mès me hè urós!!!! Visca lo blòg nau deu Dinosaure!
Ben fau damadar daus disques aus dinosaurs per se farjar ‘na cultura musicala.
Qu’es l’eideia de quela categoria dau blog. Ai pas la pretencion de ne’n aprenèr a las gents mas puslèu d’i trobar quilhs que se coneissen dins lo parrièr que quò que me fai plaser.