Uèi, me falia chabar lo trabelh precís e pesug de fixar los fiaus (tròp corts) la presa de la chambra dins un recanton ente m’i pòde pas tenèr a ma man. 
Aviá ‘restat ièr de ser au moment que me vesiá fotre un còp de ranger dins lo fotralh. Aura que podèi barrar lo cubert, gause pas la tornar dubrir pre ren que siá ! Ai vòugut far passar lo fiau de telefòne au bèu dediens de las bòstias e me trape de deurefar passar los fiaus electric en dejós de la bòstia de telefòne. Bon quò sirá bien ‘magat e tot los biais qu’es pas un espaci public, sèm ‘mas dos d’i èsser convidats, d’abòrd !
Dins quèu temps Lutz me dissèt que ‘la volia far ela lo demai que demorava, qu’es de dire deseparar la linha que ‘rieba au convecteur de la chambra d’aiga per ne’n far ‘na presa per la bujadiera e lo lonjar juscanta ‘na nuvela surtida de cables per tornar plaçar lo convecteur. ‘La comença per reperar sos traucs per lo supòrt e la surtida de cables. Puèi la passa un brave temps de jugar amb la ‘gulha entre lo trauc existent e lo que la chavèt mas (m’i ensajèi tamben, quilhs cornards fotèren de la lana de veire dins ‘na paret interna a la chambra d’aiga). La presa pren la plaça debas, lo supòrt s’installa au plan de dessur e lo fiau dau convecteur ven se junhèr amb un domino, pròpament dins la bòstia de surtida de cables. ‘La era tota fieròta ma bricol’girl !
lo fiau 'riba sus naut, la presa es pausada debas
aprèp d'aver trauchat descubrissèm que la lana de veire vai geinar la 'gulha
e veiquí lo trabelh !
la coneccion dau fiaus, sus un trastèu qu'es mielh per s'esmaronhar pas …
soi tròp fòòòòòrta ! ^^
Per ‘na prumiera, qu’es ‘na reüssida, non ?
Ah tè, justament, ai l’electricitat de tornar far a l’ostal!
T’agrada mielh d’apenèr en nos visar far ò de quauqu’un per far lo trabelh