Einucent's Weblog

L’occitan sus l’internet

Posted in Occitâneries by Mars on Setembre 21, 2008

Un eslogan de la mena « l’occitan a l’Escòla » es tant vielh coma ieu, e benlèu mai d’enguerras. Dirai pas qu’es ‘na chausa ganhada uèi, mas totparrièr, nos l’i podèm pus ‘restar. A l’ora de uèi qu’es n’a presença sus internet que m’interessa de segurar. Mas pas de sab-pas qu’un biais, anètz entendre perqué.

Tornatz vos ‘pelar los temps (eroics aura) de la mòda dau chat (falia ‘nar sus lo bon site, trapar lo bon fiau i crotzar las bonas gents, sis de non era pesuc). Coma totjorn uèi sus l’internet, existissia la chatbox d’unes sites completament confidenciaus, que degun i ‘nava, e au costat, daus sites especialisats amb tot un fum de « salons » que s’i trobava pas tojorn de platussadas interessentas.
Era risolièr de constatar coma se far passar per ‘na filha atirava los plans manhagatge pesucs ; a l’encontrari me suvene de m’èsser fach ‘lumar tras las 3 prumièras linhas mandadas, per ‘na cagòla Antibèsa, qu’era pas « anti-baise » dau tot, mercès Bobby Lapointe 🙂
Quils « salons » eran reperats per lo tème , solide, mas suvent eran estat creats en fonncion de ‘na vila (lo vilatge planetari s’espandis pas a mai de 20 km de chas se), avia la costuma de ‘nar dins los « salons » Marseille, Toulouse … que volètz ere a Poitiers.
Tot parrièr, coneisse de las gents que, en bon missionaris (aime pas los missionaris, quò manca d’originalitat) pertiguèren sus quilhs salons reperats d’una vila occitana, per i plaça pauc ò pro de l’occitan, sabe pas come s’i preguèren mas se faguèren fotre defòra per los admins. Eimagine bien que los participants se son damandat que lor aribava en tombar sus daus tipes que venian en petendre que per tala vila se devia emplejar tala lenga, e tot a talh.
L’operacion durèt ‘na setmana e me gardarai bien de dire ente quelas gents son d’engerras affairats.

Semblaria que l’IEO calcula un motor de reçercha, lo darrièr còp que me n’anei sus la pagina, era pas tròp emplenit e subretot s’i podia trapar l’info qu’om era segur que l’i era. Bof, pas tròp dobat au comportament internet. Tornarai veire si quò a evoluit per vos far part de mos esmaronhatges potenciaus ; tròbe totparrièr qu’es temps de passar a un suppòrt entau melhor que publicar dau papièr. en tot gardar entesta que quò es prumièr un site amb son objectiu d’informacion, de recercha. Mèfi a la peca que trapèrem suvent de far un quauqu-ren en Occitan e de se dire que suffis per lhi balhar ‘na pertinença. Se l’ustilh es vertdierament de bon utilisar, sirà apreciat per quò qu’ès, amai per daus coccitanoparlant tremolants. Se l’uilhs es mejan-bof mas en occitan, los quites afogats se ne’n lassaran. Esperarèm l’evolucion.

Si de non recentament, entre gents de bon platussar, qu’es de dire pas tròp accro a la lingüistica, farjèrem lo bloguitge, per far que los blogaires en occitan sian mes en rasèu es puchèssen ganhar en visibilitat sus la rantiala. Traparetz totas las informacion necitas dins la colona de ligam, mai lo flum RSS daus darrièr posts sus RSS mixer se volètz.
Quò fai plaser de veire que sèm pus quauques uns a far un site perso (ah los sites perso 90’s !)en l’i ‘anar tots de la nòstra pagina « l’occitan qu’es aquò ? » e/o « ligams occitans » picada en dur e pas jamai actualisada.
De las gents per escriure en Occitan sus tot e ren, n’i agut dins las 90’s, e n i’a mai d’enguerras uèi. Los escolans de ièr son los blogaires de uèi, (la formula se pòt quitament escortar, sabe). Me sembla importent de lor segurar que l’occitan es surtit de las parèts de la classa e que se pòt utilisar per qué que siá.

Advertisements

7 responsas

Subscribe to comments with RSS.

  1. Lutz said, on Setembre 22, 2008 at 3:40 del matin

    Se parlas de Paginas Occitanas, aquel siti me fa plantar lo navigador cada còp ! Es una bona idèa, mas d’optimisar encara…

  2. einucent said, on Setembre 22, 2008 at 10:36 del matin

    Si-ben Lutz, parle de paginas occitanas, e ne’n pense exctament lo parrièr : bona eideia, de trabelhar. Seria curiós de coneissèr coma la mesa en plaça es estada calculada.
    Solide qu’a faugut querre daus finançament per aver un auberjament, un nom de domeni e quela mena de besunhas,q ue tots los biais son necites. Vertat que los partenaris institucionaus costumiers on lo sprumièrs d’èsser solicitats e que los engatja a segurar un servici en Occitan.
    Mas me sembla que l’appli javascript que fai desfilar los logo es mai aun punt que la prepausicion de tèmis de recercha ! Un encart de pub en pè de pagina m’auria semblat pro.
    L’eideia d’un « annuaria del bon trobar » (dins la lenga dels trobadors, hèhè) m’agrada, mas demòra aus farjaires de trapar ‘na logica de motor de recercha.

  3. Joan Peiroton said, on Setembre 22, 2008 at 10:22 del tantòst

    Me demandi quant de blogaires occitans e son sortits de las calandretas? Quants calandrons e continuan de parlar occitan après l’atge escolar?
    O sabes, tu? Simpla question…

  4. einucent said, on Setembre 22, 2008 at 10:40 del tantòst

    Deguna eideia, sabès, Calandreta en se es un aglomerat de cas perticulièrs. Los associatius de uèi an pas suvent mejan de coneissèr las generacions (de pairin, eh) que passèren davant, qu’es per quò que se troban suvent a tornar inventar l’aiga tièba. Vai t’en saber dins quèu contexte, quaus son los dròles que contunhan de parlar …
    Quò vau per los autres sistèmes d’ensenhaments tots los biais, diguei Calandreta prqué i ai un repère : la prumièra escòl dobriguèt en 1979, los prumièrs Calandrons an mon atge e benlèu daus dròles escolarisats uèi. Qu’es ‘na situacion per la socialisacion de la lenga qu’avian pas conegut quilhs de davant.
    Mos pairins son daus baby-boomer-larsacò-mai-soixante-huitards tendencia Educ Nat. Son ilhs qu’an conegut la progression la mai brava de la francisacion mercès a la societat de consumacion, (desenveloparai si fau) e aura sèm n’autres que manham lo fons, espere. Comence de me sentir d’un autre atge e vòle acculhir los mai jòunes amb un pauc quauqua-ren de bastit rappòrt au petaçatge que nos es estat daissat.

  5. Godilhaire said, on decembre 30, 2008 at 12:31 del matin

    La question de Joan es interessanta, la question del Joan se podriá tanben pausar pels autres tipes d’ensenhaments franceses o de modèls franceses.

    • einucent said, on Febrièr 2, 2009 at 8:30 del tantòst

      Ai pas degun mejan de coneissèr lo chaminament de tots los blogaires qu’utilisan l’occitan sus la tiala. Amai crese que i a tant de cas diferents que d’individualitats, quitament se podriá destachar de las tendenças.
      Mon prepaus era pas tant los blogaires mas l’utilisacion de la lenga sus quin síte que siá : comentaris daus internautes sus un síte institucionau, comerciau ; utilisacion per un organisme, socialisacion dins lo cas d’associacion occitanas, eca …

      Fau ben coneissèr que quilhs que son los prumiers concernits (e en capacitat de ne’n usar) son pas totjorn lo mai motivats per las solucions ofertas per internet, e fan lor comunicacion essencialament en françès.

  6. Poyyât said, on Octòbre 16, 2009 at 8:30 del tantòst

    Per ieu, la Calandreta siguèt l’escòla Paul Bert d’Aubervilliers (dins l’ancian despartament de Sèina) e i èri dau temps de l’Occupacion, coma vesètz es pas d’aièr. Es d’escriure en òc sus mon blòg mi sembla pron naturau. Amistats en totei lei blogaires e blogairitz ! Poyyât.


Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s

%d bloggers like this: