Einucent's Weblog

Serada amb Arrí !

Posted in Occitâneries by Mars on Octòbre 5, 2008

Lo dissabte comença plan mielh que s’era ‘chabat lo divendres. Me desvelhe a miegjorn (chausa que m’era pas jamai ‘ribada amb la mair au costat) e prene lo pitit desjunar au Casanis coma lo paire. Fin finala d’èsser pus un adò quò a dau bon.
Ajude dins l’aprèp marende a charjar quauqes paquets (vòle poder durmir dins ‘na chambra que sembla pas ad’un espaci d’estockatge) per lo fraire e lo companhe a sa nuvela maison. Me la faguèt vesitar en briu mas contarai quò a n’autre moment, amb de las fòtos se me ne’n manda.

Rendetz-pè charrièra de la sèt (quin brave títol de polar !) segur de me m’en vau parcar dins la ciutat e me maine que la que cresiá coneisser jós quela apelacion es pas la bona. Aprèp ‘na consulta telefonica, ‘riebe a « l’amicale… » ente son jà los organisaires. Qu’es la prumièra vès que me compòrte en limogaud, per pròva l’engana sus l’adreça. Los barmen son plan simpatics e s’exerçan a jugar lo juèc de prenèr ‘na comanda en Oc e d’i respondre. Descubre lo desplejant que balha las formulas de basa per subreviure dins un bar plen d’occitanofònes.

oc au cafe, volet 1

oc au cafe, volet 1

oc au café, volet 2

oc au café, volet 2

L’i a daus pitits pannèus un pauc de pertot per balhar las frasa clau que son dins lo desplejant, mai un : « MXL87 chamisons per los banturles ». Portèi quauques chamisons, lo banturle agrada a tot lo monde. l’encontrari m’auriat inquietat. Quí pas besunh de contar de qué qu’es un banturle, las gents son prest de far la demostarcion. Lo bar es mai pitit que l’Estanquèt a Tolosa. Vòu dire qu’a l’ora que las gents ‘riban, òu es clafit de monde. Lo Maime es en fòrma per tornar distribuir lo desplejant, mai que mai quora son de las dròlas nuvelas que dintran.

Ne vequí una, que prenguèt lo temps de repassar son effiech, que ven junhèr son amiga que platussa coma n’autres au comptador. Na coqueta a talons tota de negre vestida, p’ita bruna a franja amb daus uèlhs blus mes en prundor per dos grands casdres de tablèu, hmm !!
_ j’ai trouvé la phrase importante à retenir !
_ alors c’est quoi ? l’i damanda l’autra. Auriá cregut que seria la quela que permet de comandar a beure, colhonament …
_ « potona-me », la surtís, dins ‘na prononciacion impeccabla
_ quoi ?
_ « potona-me » la tòrna far, que l’autra l’i era totjorn pas. Jà que me lo fau pas tornar dire, amai se la insista ! Dins un eslanç de devoment pedagogica, e per la demostarcion, lhi fau un brave poton, amai me tend la segonda jòuta.

oc au cafe, zoom

Tot lo necessari per lo plan-manhagatge au comptador. Nos sèm dich que davant la darrièra frasa i a avia belèu quauquas autras que mancavan.

La serada s’enchadena au ritme de ‘na programacion completament a basa de grops occitan, queste còp sèm chas nos. Mai tard, lo grop « Tres per dos » comença de jugar. Per manca de plaça, los musicaires s’installan sus lo comptador, qu’es mai complicat per n’autres per dançar debas. Miss bruneta es pas la darrièra. Maime e ieu nos perçam un passatge per dançar ‘na borreia entre las gents que poden pus surtir. Los montanhòls borreiarian quitament dins de las condicions extremas. A la damanda d’un barman qu’es « fan » avèm dreit a ‘na desmostracion de tendilhon per lo chabretaire, totjorn quilhat sus lo bar. Chabam la serada e lo stock de Cerva d’Oc. Moderacion s’era decomandat, poguèrem pas lhi pagar un veire.

Advertisements

13 responsas

Subscribe to comments with RSS.

  1. Lutz said, on Octòbre 5, 2008 at 11:31 del tantòst

    Quina fòl ambient, sembla èsser una capitada ! Bona idèa los desplegants de frasas-claus ! 🙂

  2. einucent said, on Octòbre 5, 2008 at 11:36 del tantòst

    L’eideia es plan bona. M’agrada de tant que aviam començat quauqua-ren entau a Tolosa en 2003. La còla d’Arrí lo faguèt a mai granda eschala e compta espandir a mai de bars.
    Vertat que fasia plaser de tornar trobar quò a Limòtges, avia paur d’èsser accro a la charrièra dels blanquiers, ieu ! Fin finala qu’es l’aquivalent, mas qu’es a Limòtges, laidonc es pas plana …

  3. Lutz said, on Octòbre 5, 2008 at 11:41 del tantòst

    Ne cal coma aquò dons mantunas vilas ! 🙂 Mas per ieu, l’Estanquet demòra lo mai aisit d’i anar…

  4. einucent said, on Octòbre 6, 2008 at 12:03 del matin

    Amai trapar un punt de (para)chasuda dins mantunas vilas, m’agrada tant que son de quela mèna ! Franchament perqué se far chijar a dubrir de las librarias e daus « ostal d’occitània » quora suffis d’un bar !
    M’agadaria que n’i aja un a Caurs, faria l’estanca au mitan dau chamin. L’iniciativa desmerita d’èsser espandida totparrièr.

  5. Lutz said, on Octòbre 6, 2008 at 3:18 del tantòst

    E ben ! Lo papièr ròse, les frasas… sembla mai a una serada « speed-dating » ! 😀

  6. einucent said, on Octòbre 6, 2008 at 3:36 del tantòst

    Oc-ben, semblaria qu’es passat per la testa daus organisaires.
    « Speed-dating » mas dins la lenga daus trobadors totparrièr !

  7. pasha said, on Octòbre 7, 2008 at 10:10 del tantòst

    L’idéia a la debuta era de far quauquarren en occitan d’utile per los jòunes. ‘Laidonc, avem pensat a las doas chausas las mai importantas dins la vita d’un jòune : fringar e bicar. Enfin, coma l’explica Marçau, avem pas balhat tot lo vocabulari, nonmas los preliminaris au bar (perque los òòò mai los àààààà an pas mestier de revirada…).

    L’idéia dau speed-dating era mai per las difusions. Quò sira benleu per lo prupchen còp…

  8. einucent said, on Octòbre 7, 2008 at 10:31 del tantòst

    Torna-me far saber quora qu’es lo prupchen còp ! 😉
    Doblidèi de precisar que los desplejants (dau mens quora tu los difusavas) eran companhats d’un preservatiu que lo pacckaging era esta fach en Occitan. Quilhs de la campanha dau CRJOC en 2006.

  9. Lutz said, on Octòbre 8, 2008 at 1:16 del matin

    @Pasha « (perque los òòò mai los àààààà an pas mestier de revirada…) » > lol ! (que ne sabes ?) 😉

  10. einucent said, on Octòbre 8, 2008 at 2:06 del matin

    Se reviran pas mas fau ben dire que se prononçan pas parrièr. I a ‘na sabor n’en mai

  11. Axel said, on Octòbre 9, 2008 at 12:55 del matin

    Quina bòna idea aqueste tipe de seradas! I avià fòrça monde?

  12. einucent said, on Octòbre 9, 2008 at 1:09 del matin

    Platussèi coma lo Tiston en fin de serada, se ( e lo taulièrs !) evaluan a 150 personas que son passadas dins lo bar (fai 10 m2 !). Fasia un ptitit temps que n’i avia pas ‘gut tant, las gents surtissen pas tant que i a un an ò dos. Franchament per ‘na prumiera, sens contar sus daus costumats qu’es bien. Òsca Arrí !

  13. Jp la rapieta said, on Octòbre 9, 2008 at 11:41 del matin

    Adiu,
    Torna lo far saber un mes avant, la pruchena vetz. Ai mestier de temps per organisar ma pita vita e ‘nar dins la capitala.
    Vese que quò era ben organisar.


Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s

%d bloggers like this: