Einucent's Weblog

Plombariá

Posted in Marengo by Mars on decembre 10, 2009

Nos manca quauques utilhs per poder entemnar la bastison de las parets que delimitaran la cuesina, laidonc mettem quèu temps a profiech per nos mainar de las canalisacions. Tots los biais i a, prumièr, totas la bricas de sijar ; amb l’hégoïne per lo bòsc, quò vai sens problème.

Aviam donc un tudèu per tirar l’aiga de la bujadièra que passava jós la baciá, lo trenchèi au nivèu dau comptador d’aiga, que n’avem pus besunh (dau tudeu, pas dau comptador !) I avia tamben un botet per far ‘ribar l’aiga a la bujadièra (eh, normau) au fons d’un flexible qu’era estat sodat sus lo tudèu que mena l’aiga freja a la baciá. Quí, qu’es mai problematic, que lo sauriá pas sodar ieu, pòde bien sijar lo còbre mas daissariá un trauc…
Lutz ‘pelèt José, un amic dau SEL que sap far e que nos vai sauvar la situacion.

Sabèm jà que volèm la bujadièra dins la chambra d’aiga, entre lo cagador e lo pitit boçin de paret que Lutz i tornèt haussar lo convecteur. Nos fau plaçar ‘quí lo parrièr qu’era a la cuesina : ‘na ribada e ‘na surtida. Estudièrem la situacion coma José e ò nos díssèt que lo quite bocinon de tudeu flexible se podrá tornar usar a la chambra d’aiga.

Lo jorn dich, òu ven amb son materiau e qu’es pertit : òu trencha lo tudeu dau tapon e soda ‘na pèça per boschar. Dins quèu temps ieu tire lo cagador de contra la parèt per i permetre d’accedir, me maine a que l’instant qu’es pas vissat dins lo sòl, quò sira ‘na bona chausa per ‘mor que nos lo vam devèr avançar per passar l’evacuacion : passam d’un L que permet de junhèr dejòs la banhadoira a un T que permet de reculhir au passage l’evacuacion de la bujadiera.

José chabèt dins ‘na serada e me calculèi de sijar/pejar lo PVC quauques temps aprèp.

La fòto me dís que la es estada presa lo 6 d’octòbre, queu post fai part de ‘na seria de tornar trapar l’istorique daus eveniments…

Advertisements
Tagged with: , ,

Una responsa

Subscribe to comments with RSS.

  1. Pintura 2 « Einucent’s Weblog said, on Genièr 23, 2010 at 5:19 del matin

    […] Seriosament, visca lo decapador termic ! Amb las 6 a 8 sisas de pinturas que trobèri al decapatge, èra pas mai possible al decapador quimic ! Tornavi cada ser amb mal de cap ! Coneissiái pas, encara un còp mercés a José que me ne parlèri lo jorn ont venguèt far de la plombariá. […]


Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s

%d bloggers like this: