Einucent's Weblog

Bastison 2

Posted in Marengo by Mars on Genièr 21, 2010

Aviá començat, quò fai jà un briu de temps, de calcular coma falia sijar las dalas de beton celulari, seria mas per saber quant-ben ne’n chaptar. ‘Na dala fai 60×25×7.

Mas parets, siran laidonc espessas de 7 cm e bastidas amb daus niveus  de 25 cm chascun, quò me vai, me fau montar lo bar e son equivalent a la pòrta d’entrar ad’1 m. Quò me fai 4 estagis de 25 cm. Per las chambas de portar lo taulet/plan de trabelh, vau prenèr la dala de beton dins l’autre sens e las far amb un prumier niveu naut de 60 cm e son complement de 30 cm, meitat-long.

Fau calcular de dispausar pas las dalas a l’identic d’un niveu l’autre que si de non la paret sirá fragilisada amb lo risc que l’i aje ‘na fenda de naut en bas. Me las dessenhe donc amb un decalatge de meitat-dala, pertot ente quò se pòt far. Tamben, los cantons son mai solides en crotzar las dalas, amai quò ajuda per lo decalatge. Sus l’imatge, vesetz los dos biais de constituir ‘na mesma paret, ne’n use en los alternar. A man dreita, per lo bar ; de bas a man mança, per las pòsts que constajarn la pòrta d’entrar. Sus-naut a man mança per las chambas de portar lo taulet, coma aura n’i a mas doas las se deurian percir los bocins copats. E fin finala compte sus las chasudas per me far de qué bastir un L median per junhèr.

Tamben, vos diguèi que las parets eran pas dreitas, me val faler corrigir en jugar sus l’espessor dau junt, per ‘ribar a l’aplomb, use per quò un mortièr mai dense amb un pauc d’arena e los bocinons que se petan au canton de ‘na dala au moment dau transpòrt.

Un còp tot copat, e un còp traçat l’encombrament au sòl de mons plans de trabelhs, pòde plaçar « a sec » mos bocins de dala copats a mesura. Me dessenhe dessur un motiu un pauc complexe, au sens que se pòt pas reconstituir lo puzzle en plaçar lo dessenh de revers. Quò es mai ludic e a l’encòp mai simple que pas usar los A1-B2 de la batalha navala. Me los garde per daus trabelhs en 2D, mai tard… subretot que quò me permet d’identifiar de sega quin vai ente, balhat que quò es pas lo mesme dessenh.

Sus una, dessenhe la Sta Estela, e sus l’autre, un còr, que suèi a far dau trabelh per mon amorosa ! Podetz veire la resulta un còp maçonat.  E mai en situacion. Lo calculatge de despart es pas estat possible, dins un cas fau avançar pas gaire per causa de la paret (la de la lòtja) que fai un ventre, e dins l’autre cas fau tornar trapar lo niveu. Laidonc i a ‘na banda que migra de ‘na chamba sus l’autra. Precise tamben que la prumièra fòto data d’avant que nos tornèssen avisar per quel afar de colona en L, allèra que la quela que ‘chaba quèu post mostra lo rapetaçonatge de chasuda que me permet de la quilhar.

Las fòtos me disen que las son estadas presas entre lo 2 e lo 20 de novembre, queu post fai part de ‘na seria de tornar trapar l’istorique daus eveniments…

Advertisements
Tagged with: , ,

2 responsas

Subscribe to comments with RSS.

  1. Lutz said, on Genièr 23, 2010 at 7:04 del matin

    Lo 13 de setembre m’estonariá, aviái pas encara las claus ! 😉

    • einucent said, on Genièr 25, 2010 at 5:39 del tantòst

      Ooooooooooooops, m’enganèi sus la data dins la proprietat de las fòtos, segurament. Qu’es corrigit, per quilhs que volen segre la kro-nologia.


Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s

%d bloggers like this: