Einucent's Weblog

Bastison

Posted in Marengo by Mars on Genièr 21, 2010

Bon,  ben qu’es au pè de la parèt que se veu lo maçon. Per bastir la cuesina, sabem que volèm un bar que desepara l’espandi dau demai de la chambra, que farà un sejorn. Sabem tamben que volen bastir en dur de qué portar un taulèt de trabelh, ente siran tengut ‘na baciá e ‘na placa de cueson.

Pensam prumièr a bastir de las chambas de portar que vendrian en perpendiculari de las parets existentas. Puèi nos mainam que quò condemna l’accès au canton, fin que quò oblija a passar per la pòrta dejós la baciá, allèra que precisament qu’es quí que i aura lomens de plaça. Coma podem pas bastir ‘na chamba que passaria dins lo bac le la baciá, optem puslèu per ‘na colona. Qu’es un paralelepidède naut coma las chambas e qu’a ‘na basa en L, la portara los taulèts de trabelh a l’endrech que se manhan e la servira d’apiejar las pòrtas que barraran lo debas.

Ieu comence per prenèr las mesuras de ente siran los plans de trabelh, qu’es en fonccion de quò que podrai plaçar las chambas mai lo bar e lo piti boçin de paret que fai lo limit davant la pòrta de dintrar dins l’apartament. Per quò far, me fau aver un plan virtuau que sia de niveu a la nautor que vòle lo taulet. De niveu ,a l’aplomb e a l’encair… ai besunh de me representar en 3D ‘na maqueta dreita dins un espandi tòrt de pertot ! La paret Sud-Est, la quela que vesetz sus naut, es la mens tòrta e la mai fisable ; la es facha de placas de placo, se pòt esperar que las sian linhadas. La Nòrd Est (la quela de la lòtja e de la pòrta d’entrar) seguís lo redon de l’eschalier e lo bocin que fai la junccion au canton (en verd) es pas d’encair.

Me pause los trasteus d’un biais que podran portar ‘na regla bèla. Quela regla, la place de niveu e d’encair amb la paret Sud-Est. Dins lo mesme temps, a l’autre fons (dau costat de la pòrta d’entrar) ieu place n’autra regla (pita) d’encair tamben que m’aluencha la bela de la paret Nòrd-Est daus 62 cm que reprensentan la prundor dau taulet. A comptar de quò pòde davalar lo plomb per traçar au sòl l’encombrament maximum daus plans de trabelhs. Qu’es mai clar en imatges :

Las fòtos me disen que las son estadas presas lo 21 d’octòbre, queu post fai part de ‘na seria de tornar trapar l’istorique daus eveniments…

Advertisements
Tagged with: ,

Una responsa

Subscribe to comments with RSS.

  1. […] còp tot copat, e un còp traçat l’encombrament au sòl de mons plans de trabelhs, pòde plaçar « a sec » mos bocins de dala copats a mesura. Me dessenhe dessur un motiu un pauc […]


Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s

%d bloggers like this: