Einucent's Weblog

Pintura 2

Posted in Marengo by lutzdetolosa on Genièr 23, 2010

Adissiatz a totis ! E òc, soi en guest-star sul blòg de l’Einucent, per contar un pauc çò que fau… Perque òc, ieu tanben trabalhi, cal pas creire ! 😉
La gròssa presa de cap per ieu foguèron las pinturas, e sustot de las pòrtas ! L’apartament a duas pòrtas ancianas, la de dintrada e la de la cambra. Son de fusta, vielhas, amb de polidas motladuras (m’agradan !) mas pron deterioradas ailàs, e amb de pintura de plomb. « Tiram la pintura lèu-fait, tornam pintar, tot anirà plan ! » que nos diguèrem ! Segur, segur… En vertat i passèri un brave temps. Recapitulatiu :

LA PÒRTA DE DINTRADA

Seriosament, visca lo decapador termic ! Amb las 6 a 8 sisas de pinturas que trobèri al decapatge, èra pas mai possible al decapador quimic ! Tornavi cada ser amb mal de cap ! Coneissiái pas, encara un còp mercés a José que me ne parlèri lo jorn ont venguèt far de la plombariá.

Après aquò me calguèt tapar las fendas a la pasta de fusta, e tornar crear las motladuras petadas, per aver una polida resulta un còp la pòrta pintada.

Prenguèt de temps mas soi contenta de la resulta. Causiguèri un gris clar per totis los fustatges (pòrtas, plintas…) A la debuta voliái una color mai la pòcha possible de la del plafon (per amagar los traucs tapats), e dins la botiga me semblava aquò. Fin finala me soi enganada, lo plafon es mai « sable » que gris… Rai, soi contenta, m’agrada mai d’aver de gris, anirà melhor amb lo rotge e violet de ma decoracion ! 😉

LA PÒRTA DE LA CAMBRA

M’agradan sas motladuras e la fòrma de son chambran ! Aquí tanben : decapatge, tapatge a la pasta de fusta, gratatge, tot aquò…

La pòrta se farà virar per de dubrir dins l’autre sens. Cambia pas res a quicòm que me trucava : lo motiu es mai polit del costat de la cambra, e la cambra, òm i passa pas tota sa vida ! Me venguèt doncas l’idèa de tornar crear lo meteis motiu de l’autre costat, en clavelar (amb de tot pichons clavèls que se veson pas) de las plancas d’isorel. Pel moment tot aquò demòra atal, coma sus las fòtos, ai pas encara acabat tot. De seguir, fòtos venentas un còp pintat !

E LO DEMAI…

A costat d’aquò, pintar las parets e las plintas, es un trabalh que ne vòli ben mai sovent ! Aisit coma pas possible ! (avètz vist lo pichon rotlèu sus la segonda fòta ? aquò tanpauc coneissiái pas ! ^^)
Çò que fa qu’avèm plan avançat darrièrament ! Coooool ! Fa de ben ! 🙂  Un jorn, benlèu, i demorarai ! ^^

Advertisements
Tagged with: ,

2 responsas

Subscribe to comments with RSS.

  1. einucent said, on Genièr 26, 2010 at 3:07 del tantòst

    Lo retlèu qu’es estat tornat farjar en Isorel es dau costat de la chambra. Totparrièr lo decòr de la pòrta es coerent sus las doas fàcias aura. Amai quò ‘maga ‘na brava fenda que fragilisava la pòrta.

    • einucent said, on Genièr 31, 2010 at 7:18 del tantòst

      Suei ieu que m’enganèi, la pòrta chamnha de dispausicion, per contra chamnham lo mecanisme de saralha e las paumelles de costat. Rason de mai per lhi tornar farjar son estetica en panèus.


Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s

%d bloggers like this: