Einucent's Weblog

Un Einucent, tres sistèmes

Posted in Geek ? non ! mas en testing… by Mars on Junh 15, 2010

Adiu, quilhs que me coneissen m’auviguèren jà parlar de ma machina jós Linux. Me suèi dich que me ne’nave vos contar coma faguèi si jamai quò pòt balhar de l’eideias a d’autres, uèi suèi a pertir de vers un autre OS mas abandone pas quèu que  chausiguèi per conviccion. Mas prumièr me fau vos contar coma me petaçèi coma mos discs

Mos discs

‘Chaptèi mon prumièr PC en 2004. Ere persuadit que me ‘nave poder petaçar amb linux ren mas. Faguèi assemblar la tor sens OS dessur, per principi ! Calculèi mas perticions de mon disc d’origina (S-ATA 80 Go) per i installar Mandrake 10.0, qu’es de dire ‘na perticion /root, una per lo swap (que siert per far de la memòria en mai de la RAM) e ‘na /home per metre las donadas. Me mainèi lèu que las costumas qu’aviá jós Photoshop e mai que mai Illustrator eran tròp presentas d’enguerras per passar au tot Linux. amai voliá espleitar daus fichiers vielhs qu’eran jà dins lo format propietari. Laidonc dins lo prumiers meses apondèi un pitit disc (IDE 40 Go) de mai per i metre un Windows. Auriá pogut bradassar mas perticions mas me semblèt mai segur de metre los 2 sistèmes sus 2 discs desseparats.

Coma los OS prenen pas tota la plaça, me ne’n demorava pron. A queste moment mesnajèi de las particions de donadas en Fat32 a la « fin » de chasque disc, en far mèfi de començar per emplenir la mai p’ita.  Las son marcadas « data » e son en Fat32 per que Windows las puschèt legir. Davant que las sian plena me suèi mes en testa en 2007 de passar de Mandrake 10.0 a Mandriva 2007 qu’avia pres la seguda… Paure que faguèi pas ! Pus ren virava coma lo voliá ieu. Suèi esta temptat un temps de passar a Ubuntu, mas un amic que m’avia jà bien ajudat per Mandrake me prepausèt d’installar Debian. Coma ò es perfeccionista, ò me segurèt la possibilitat de poder contunhar de bootar jos Mdv, lo disc d’origina (queu qu’a lo Tux) venguèt un pauc mai percit d’enguerras :

Pertiguèi a Còrdas entau e qu’es amont que comencèi d’aver beucòp de fichiers daus trabelhs que fasiá que me prenguèren beucòp de plaça sus mas perticions de donadas. Me falia calcular un disc mai gros, aurià cregut poder metre un segond S-ATA mas la carta maire ne’n volia pas, laidonc chausiguèi un segond IDE, de 500 Go queste còp. Mas d’enguerras, pas mejan de lo metre en mai. Tornèi copiar a l’identic lo contengut dau pitit de 40 Go e ere pertit per quauqes temps.

Lo pitit disc era fixat dins la tor en esperar de tornar en circulacion. Dins la debuta de quela annada 2010 ‘chaptèi fin finala ‘na bòstia externa per i metre lo gros. Lo pitit disc tornèt prenèr dau servici e la perticion Windows sus lo gros sautèt.

Quò fai que mon instalacion a l’ofici (qu’es de dire en facia de la cuesina, per vigilar un plat a l’encòp 😉 ) semblava de quò :

Patchaca amb Mac

Mas totparrièr per tractar un imatge amb Photoshop e Illustrator, per compaginar un document e ne’n far un brave .pdf dins InDesign, me falia tornar bootar jos Linux davant de ò metre de bon accedir sul internet aus vòstres uèlhs esblaugits. Oc-ès, me contecte pus amb Windows, jamai.

Quò era un pauc pesug e amai quò fai longtemps que vòle passar a Mac. Photoshop e sos colegas son estat conçaubuts per daus utilisaires de Mac, me diguèren un jorn, e amai Lutz me mostra tots los jorns que l’i viran mielh, fan pas de gags de la mena voler pas registrar un fichier jos pretexte qu’es jà dubert… Per contra coma suèi un paisan prèp de sos sòus, vòle pas que lo Mac me coste tròp char, vòle lo mesme escran (lo mesme picador doblide) e vòle accedir au mesme disc dur externe. Ensajèi bien de lo metre en raseu via la Freebox mas suèi pas ‘ribat a ren, lo mai simple qu’es d’enguerras que siá branchat a ‘na tor (quina que siá.)

Qu’es a queste moment que descubriguèi l’existença d’un switch KVM.

Quilhs darrièrs mes, ai cerchat lo biais de me mainatjar mon espaci dau mielh que vòle. Tafurèi sus e-bay per me trobar un picador Mac (que son desparrièrs, allèra ne’n faudra ben un) que siá sens fiau mas amb lo pavat de las chifras, coma lo quèu de mon PC, entau si chamnhe, suèi pas oblijat de ne’n gardar un qu’a lo fiau jos mon nas, pòt èsser pausat mai luenh. La mirga es la parrièra per los dos ordenadors, laidonc, branche lo combinat sus lo switch. Passèi un brave boçin de temps a ne’n trobar un que prend lo disc externe. quèu de quí ò fai, quora passe de ‘na machina a l’autra, lo volum se desmonta per se tornar montar automaticament, aura qu’es possible de trabalhar sus un imatge amb Illustrator jos lo Mac :

…e sens lo tuar, de passar integrar l’imatge dins un vestissatge web en CSS, que fau totjorn en local amb Apache jos Debian.

E bascular entau a mesura que l’i a besunh de ‘dobar de las chausas.

Chas mes qu’es lo verd que vai au PC, mas lo PC es jos la taula a man mança…

Detalh per se regalar, use pas de pòrta votz  d’informatica, me semblan pitits. M’agradèt mai tras la debuta de branchar un cable (de 10m) juscanta ma chadena hi-fi. Entau ai lo son de mon ampli per jugar los films. Lo switch es talament perfeccionat que me permet tamben de pertejar lo branchament au cable d’un biais desseparat de l’accès aus autres periferics. Quò vòu dire que pòde daissar jugar la musica per Debian quora trabelhe sus lo Mac e lo revers. Me faudra ‘mas calcular d’aver daus fichiers de musica en defòra dau disc externe mas, per aver jà ensajat, qu’es bien per demorar dins lo mesme ambient. Bon faguèi los tests amb lo Mac de Lutz, reçaubèi lo picador e los darrièrs cables ièr, uèi vau ‘chaptar lo Mac, vos contarai.

Advertisements
Tagged with: , ,

4 responsas

Subscribe to comments with RSS.

  1. Lutz said, on Junh 15, 2010 at 11:44 del matin

    Òsca per lo Level Up ! 😉

  2. Tòni Galhard said, on Junh 15, 2010 at 12:17 del tantòst

    Perqué pas utilizar WineHq amb Linux ? I a Illustrator e Photoshop e la màger partida dels logicials que foncionan amb aquò.
    http://www.winehq.org/about/

  3. Mars said, on Febrièr 3, 2011 at 4:16 del tantòst

    Quò fai mai de 6 mès aura e quò vira bien entau. Gardèi la costuma de far ma compta e legir mos e-mails amb Debian. Use dau Mac per la CS.

    VLC a un probleme que suèi pas lo sol a constatar e que me faudra mainar de dobar. Laidonc vise los flimes amb VLC jós lo Mac.
    Rythmbox a ‘na merda tamben entau prenguèi la costuma d’iTunes, mai que mai perqué tafurèi pas sa configuracion e lhi daisse copiar la musica dins son dorsièr a se sus lo disc dur dau Mac. Entau quora bascule lo disc externe per que siá montat jós Debian, iTunes a totjorn accès a sos fichiers. Allèra que Rythmbox, lhi aviá reglat sa biblioteca per qu’ òu legiguèsse directament dins lo repertòri dau disc externe ente garde ma musica. Que, se, rapòrt a i Thunes, òu pòt legir los .ogg sens s’esmaronhar !
    Si de non deuriá tornar metre lo nas dins dau CSS e de las boclas SPIP de quí pauc, amb Debian !


Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s

%d bloggers like this: