Einucent's Weblog

Lombricompost, farjadissa.

Posted in Brico, Ecologia de tots los jorns by Mars on Agost 2, 2010

Qu’es l’estiu e fai chaud a Tolosa, fòrça chaud que ne’n pòde pus. Sabe pas coma se petaçan las gents coma lors rebuts verds mas mas dempuèi quauques temps vòle pus gardar los meus au dediens de l’apartament. Quò me mena tròp de moschairons e ‘na seria de piausons de tota mena que me fan la cuesina ‘na zòna impossibla de viure. Benlèu las gents surtissen lors borrilhs mai suvent que pas me 😉 …

En mai de quela constrencha, quitèi jamai veraiment la costuma de metre los dichs rebuts sus lo compòst (a Chaisson, vòle dire) qu’es denguerras lo circuit lo mai cort per los valorar puslèu que de se los portar ad’un endrech ente siran massat per èsser brutlats. Ai bien ‘gut ensajat lo compost en plena vila, mas reüssiguèi pas qu’a far esmaronhar mos vesins. Aura que m’entresenhèi un pauc mai vau pusleu far mon compost amb l’ajuda de lombrics que transformaran mai regde mos rebuts en ‘na substança de bon acceptar.

Lo Principi

Son 4 bacs pausats los uns sus los autres. Daus vermes l’i son presents per minjar los rebuts de legumes de la maison (mai lo papier, lo carton…) mes dins lo bac de sus naut. A mesura qu’an digerit (e chijat) quò tomba dins lo bac debas ente los vermes nurissen lors pitits en chabar lo trabelh. Quò tomba puèi dins un tresenc bac que fai colador per destriar lo compòst madur (solide) dau chuc de compòst (liquide) reculhit dins lo darrièr.

Los rebuts verds damandan de davalar los borrilhs suvent, daus borrilhs de rebuts inertes menan pas de moschairons e poden esperar 2-3 setmanas d’èsser plens.

Lo compòst e son chuc son daus engrais naturaus e a gratis.

Lo polystrirène es un materiau que se recicla pas, veiquí coma ne’n usar d’un biais duradís allera que la bòstias son conçaubudas per èsser tiradas aprèp d’aver servit un còp.

Lo materiau

De las bòstias de frigolite que se ne’n usa per transportar lo peisson. Un bon còp d’aiga sufís per tirar la sentor. 4 au minimum, mai un cubert, lo tot en bon estat, solide.

lo materiau primièr

Fau tamben ‘na chasuda de grasilha de cleda, la malha deu daissar passar un verm e èsser pron sarada per daissar pas tombar los bocinons que son pas denguerras minjats. 2 còps la susfàcia d’un bac au minimum.

E coma utilhs :

  • un cutter, un Lagiòla, un bistouri, quauqua-ren que trencha l’espessor de frigolite ;
  • un futre que vai sus lo polystrirène ;
  • daus ciseus (vielhs, per los massacrar pas en copar la grasilha) ;
  • ‘na punta de chabron, ò ‘na mescha de 6/8 (sens lo trauchador !)
  • de las bòstias de conserva per traçar daus traucs au fons daus bacs 2 e 3 ;
  • un bocinon de carton per far un gabarit de la talha daus trauchonets qu’an las bòstias sus lo fons. Que las son conçaubudas per gardar pas l’aiga allèra que n’autres volen pas daissar fugir los vermes ni mai perdre lo chuc de compost.

La Fabricacion

Comence per lo bac colador, fau daus pitits trauc emb de la punta, espaçats regularament sus la surfácia tota (qu’es ‘na brava passadoira fin finala)

lo colador

lo frete e jugue un pauc de tamborin au cuòu per tombar la nèvia de polystrirène que quò fai e la tirar davant de ne’n aver tròp.

tire la « nèvia »

Trace au fons de 2 bacs 6 redonds en m’ajudar amb las bòstias de conserva.

dessenh daus traucs

2 linhas de 3, per trauchar un pauc de pertot en gardar pron de fons per portar lo pès dau contengut.

los traucs dessenhats

Me dessenhe tambe un gabarit de carton a la mesura de quò que faudra boschar.

lo gabarit

Trenche mos redonds en gardar los mai espès,

daus gros traucs

…amb mon gabarit, pòrte dessur la fòrma tant de còps que necite…

plaçar…

traçar…

…e los trenche,

trenchar…

…per los perdèr pas, los garde dins mon bac passadoira qu’es jà prest, sus queu model me ne’n fau 4 per bac, per comptar a mesura ne’n mette a chasque canton tant que de bac.

comptar.

Mette mos pitits tapons en place e trenche l’excedent per levar pas lo bac en lo pausar sus queu de debas.

tirar lo demai

Talhe dos pans de grasilha a la mesura d’un bac, prene la mesura sus lo bòrd naut, entau suèi segur qu’au fons quò se levara un bocin per tenèr a fòrça quitament se i a ren dins lo bac. pause mos pans dins los 2 bacs de 6 gros traucs.

un pan de grasilha per lo fons

Veiquia lo lombricomposteur qu’espera ‘mas ‘na lissa de pintrura negra per segurar aus vermes pas tròp de clarda dau jorn (coma jos la terra, eh !)

los bacs chabats

Quò es possible d’aver 5 ò 6 bacs, dins queste cas los dos de debas (colador e fons) son coma presentats ‘quí e los autres dessur son identics : gros traucs e grasilha. L’eideia es de los far virar a mesura que los rebuts son digerits per los vermes. Vos contarai a mesura que lo fau servir.

Advertisements
Tagged with: ,

9 responsas

Subscribe to comments with RSS.

  1. Lutz said, on Agost 2, 2010 at 10:34 del tantòst

    Manca pas que de trapar de lombrics ! 😉

  2. JP la rapieta said, on Agost 3, 2010 at 2:56 del tantòst

    Adiu,

    ‘na bona eidèia de trabalh de far per l’estiu per la gent qu’an pas de vargier e mai-que-mai per tornar usar las boetias de « maidunstirène ».

    • einucent said, on Agost 3, 2010 at 6:18 del tantòst

      Quò fai part de quò que m’a decidit, tots quilhs « maid’un strirène » que se ne’n pòt ren far. Lo monde un pauc chapusaire serian bien inspirat de lor trapar ‘na segonda vita.
      A Tolosa avèm daus bac esprès per lo vidre, d’autres per lo papier + lo plastic + lo metal, qu’es jà bien en fotralh mas i a mejan d’emplenir pas sos borrilh tròp. ‘Na part dau papièr (quora es pas plen de tinta toxica) pòt passar au compòst tamben.
      Sen dobledar que lo mai intelligent daus reciclatges es de tirar pas un object per contunhar de ne’n usar (botelhas, bocaus, bòstias) sens aver besunh de far virar n’usina que ne’n farja un noveu.
      La logica paísana aplicada au segle 21 fin finala.

  3. Òmi de la Situacion said, on Febrièr 15, 2011 at 11:37 del tantòst

    On en es ? Van plan los vèrmis ?

    • Mars said, on Març 22, 2011 at 9:56 del tantòst

      Paure, manquèi de ne’n trapar per lor far començar lor trabelh, e lo compostaire es totjorn pas pintrat.

      • Òme de la Stacion said, on Març 22, 2011 at 10:27 del tantòst

        Bon, avem lo medish sistèma de trabalh : i 2 ans èi començat de pintrar un burèu, es enqüèra dens lo garatge on sèrv de taulèr…

  4. […] son de las accions que « marchan », màs, lu fialat per las pervecions, se passar de refrigerator, lu compost (►òc), marchan mens be dins lu […]

  5. […] la grasilha junteja a la paret i a pas gaire de risc d’èsser tròp prèp, ò que pòrte pas. Se vos suvenèz, aviá trenchat en segre la fòrma de 6 redonds dispausats sus la susfàcia. En visar lo biais […]


Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s

%d bloggers like this: