Einucent's Weblog

Un plat vegetarian a mon biais

Posted in Uncategorized by Mars on Genièr 26, 2011

Recepta a la lesta, entau, que ‘chabe mas de la realisar. Las quantitats son a vusda de nas, faretz a la vòstra mòda. Prenguèi pas de fòtos queste còp, perdon.

  • Pialatz pron de trufas per emplenir un plat a forn ;
  • pialatz 2-3 lissas d’alh e tiratz ne’n lo germe ;
  • passatz la facia trenchada de ‘na lissa d’alh dins lo fons dau vòstre plat, mai sus los costats, hapcharetz lo demai ;
  • fasetz chaurar pron de bulit de salat per cubrir las trufas ;
  • fasetz de las trenchas de trufa, a la gròssa fau que siá 2 còps espès coma la lama dau coteu ; las botaretz a pre-cuere quora quò bulís ;
  • graissatz lo fons dau vòstre plat d’un culherat de sendós ;
  • esbrejonatz quauques calaus ;
  • cassatz un uòu dins ‘na calòta, battatz lo coma lo contengut d’un potinon de crema (10 cl), bujatz la mesma quantitat de leite dins lo potinon per espandir vòstre apparelh. Sasonatz au vòstre gost (sau, muscada per me) ;
  • trenchatz de pron de Forma d’Ambèrt per clafir la susfácia dau plat ;
  • ‘lumatz lo forn per lo chaurar a termostat 7 ;
  • las trufas deurian èsser cueitas (lo coteu deu punchar tras sens que la trufa l’i demòre estachada), gotatz-las (en gardar lo bulit !) pausatz ne’n la meitat dins lo fons dau plat ;
  • pausatz la meitat de l’alh hapchat sus las trufas e las trenchas de Forma mai los mai gros bocins de calau ;
  • bujatz las micas de calau e lo demai de l’alh dins l’apparelh ;
  • pausatz la segona meitat de las trufas ;
  • rapatz un brave bocin de Cantal per dessur lo tot ;
  • botatz au forn, a termostat 5.

La recepta es liurament inspirada daus cosins Arpitans dau Deaufiné, que son dins un país de calaus tant coma mos vesins de Perigòrd. Faguèi coma los fromatges qu’avèm n’autres dins lo massiu (e que ne’n ai maison, jós la man).

L’eideia es de far un plat sens charn mas semblaria de conven pas au gost de tots los vegetarians…

Advertisements
Tagged with:

3 responsas

Subscribe to comments with RSS.

  1. Lutz said, on Genièr 26, 2011 at 11:46 del tantòst

    As inventat lo salat e lo sendós vegetals ?
    Quin òme ! 😉

  2. Jp la rapieta said, on Genièr 31, 2011 at 11:04 del matin

    Te balhe 5 estelas emai i aguesse dau sendós mai dau salat dins ton minjar per vegetarian come iò diguet la Lutz.

    • Mars said, on Febrièr 3, 2011 at 3:32 del tantòst

      Qu’es ‘na trufadissa qu’aime bien far. Quò dich, entende completament lo besunh de tornar botar en question la quantitat de charn que prenguèrem la costuma d’engolir tots los jorns. Eimagine pas completament tirar la charn de mon alimentacion. M’inspire de las receptas qu’avian los vielhs. Lo fasian per cura d’economia, que la charn lor costava tròp, uèi ‘la venguèt melhor merchat mas per ‘na qualitat bien pièger. 180g de vacha de leite reformada mantuns còp per setmana qu’es completament nèci, allèra qu’un bulit perfumat de ‘na codena permet au monde coma me de perdèr pas lo gost en tot basar la recepta esencialament sus los legums.
      Mon eideia era de balhar daus exemples de coma surtir de queu rasonament alimentari eiretat de la societat dau consumir per qué quò mena a redusir las sabors a ‘na gama pas tant espandida que la quela qu’avian quora lor falia trobar de las eideias de substitucion.

      Mercès per las estelas !


Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s

%d bloggers like this: