Einucent's Weblog

Cantonalas 2011

Posted in Occitâneries by Mars on Març 22, 2011

Espere que l’i avetz fach mèfi, diumenc passat, ciert de n’autres eran ‘pelat a votar per elegir lor conselhèr generau.

Bon, son de las cantonalas de merda, per mandar dau monde ad’un conselh dspartimentau (perdon generau) que n’avèm suvent ren de fotre. Quela institucion vilhòta es ‘na pròva que lo regime françès es pas fotut de se nuvelar. Los despartiments, los veiriá bien desapareissèr, tant coma lo Senat, au bordilhèr de l’Istòria. Queraque, ai segut la campanha quilhs darrièrs temps, jà perqué trabalhave per lo Partit Occitan (per lo despartiment 31)  a compaginar daus documents de campanha. Suèi content d’aver pogut ajudar a balhar ‘na charra design a ‘na campanha de n’orga occitanista. Aura faguèi un recapitulatiu daus results dau monde que se presentavan. Cerchèi per los candidats dau Partit Occitan, que se presentavan amb lo sostenh d’EuropeÉcologieLesVerts dins la magèr part daus cas manca dins lo despartiment 81, e suèi pas segur per lo despartiment 09 tafurèi  tamben, per Libertat e lo quite PNO.

Dempuèi diumenc a ser, constate coma tot lo monde que lo Front National faguèt dau bons scores e quò me fai pas plaser. L’extrèma dreita es presenta au segond torn dins 5 cas sus los 20 cantons que consultèi, un cas sus quatre. En venir entau lo segond partit de dreita, quò daissa pas gaire de plaça per far campanha sus de las tematicas culturalas.
Quò esplica lo chifre marrit de Daniel Rifà a Graulhèt. La campanha s’a facha en lo fotre fòra subjèct, un pauc a la maniera de 2002… M’explique mens los  chiffres minable daus autres candidats dau Tarn, benlèu la fòrça de la costuma de tornar mandar ‘na majoritat socialista… Lidwine Kempf a Fenolhèt, fai bien mielh, sens deguna experiença militant e amb la presença per ela tamben d’un FN fòrt. Parrièr de jòrdi La Boíssa, queraque, s’auria pogut esperar que bastiguèsse un electorat dempuèi lo temps.
La remarca vau per Jacme Pince en Ariège e Sergi Viaula a Salvanhac. Segiguèi pas la rason per la quina i ajèt pas d’aligança amb EÉLV, mas me sembla colhon, au PÒc  saben totjorn pas que los electors descubrissen lor nom un còp ‘ribats a l’ofici de votacion.

Legiguèi daus comentari entosiastes. Vertat que qu’es lo prumier còp que i a tant de candidats. Aime pas bien metre tot lo monde dins un mesme ensem « perqué son per l’occitan » mas suèi pas tot sol a voler constatar coma se comportan los electors quora se pausa la question occitana dins la campanha.

Gustau Aliròl se manten au segond torn (qu’es lo sol) constate qu’ò a pas bastit de qué presentar d’autres candidats a l’entorn de sa circonscripcion. Pèire Còsta fai un score onorable dins ‘na circonscripcion purida que lo quite PS i a pas vòugut batalhar contra la dreita e l’extrema dreita, en retorn lo sostenguèren per ‘nar prenèr ‘na vesta a lor plaça… Joan tomas se defend bien dins ‘na circonscripcion que balha la plaça au socialiste de la majoritat despartimentala tras lo prumièr torn.

Un segond torn « chausissètz la vòstra Mança » a St Martòri daissa Guí Barès de costa mas quò es pas amb desplaser.

Me plante quí, pretende pas far un analisi, rechampèi ‘mas los results per quilhs que los vòudrian.
Los results en .pdf

Si de non, chas me a Aimostiers, lo candidat comuniste dissident es passat au prumièr torn, davant lo PS e EÉLV. La dreita presentava pas degun, tot vai bien.

Advertisements
Tagged with:

4 responsas

Subscribe to comments with RSS.

  1. cercaval said, on Març 22, 2011 at 5:39 del tantòst

    E a St Martòri, lo candidat regionalista a balhat cap de consigna pel segond torn. Qual es l’enemic per el l’esquerra o l’extrema-dreta ?

    • Mars said, on Març 22, 2011 at 9:55 del tantòst

      Ai pas segut quilhs darrièrs jorn las consinhas que balhavan los candidats autonomistes. Dins lo cas de St Martòri, a despart de ‘na declaracion d’intencion generala, l’extrema dreita es pas ‘na question que se pausa. Au segond torn son dos partits de Mança que se mantenen.

  2. Maime said, on Març 24, 2011 at 11:43 del tantòst

    Lidwine Kempf a un pauc d’experéncia militanta, tot-parier.
    Politicament, sabe pas, mas ‘la es sindicalista mai militanta aus Amics de la Terra, me sembla, non?
    Pense que los que se son presentats jos l’etiqueta EELV en mai de quela dau Poc an ‘gut de las votz ecologistas (que se son pas preocupadas de saber ço qu’era lo Poc).

    • Mars said, on Març 25, 2011 at 3:47 del matin

      Qu’es la preparacion (en amont) de sos doc de campanha que me fasia dire que ‘la avia pas l’experiença de ‘na campanha electorala, nimai daus rapòrts a coteus tirats entre los partits. Quò demora anecdotic, pense que l’evolucion aprèp d’aver menat quauquas ‘massadas publicas se veu jà. Fau comptar tamben que lo PÒc a pas gaire de casdres per la formar. Lo referent qu’avia per mos trabelhs, mai los rapòrts fuguèssen bons, rasonava quauques còps d’enguerras coma un culturós.
      Onestament las cantonalas, me’n brandolhe, lo dise sus-naut. La sola chausa que m’agradava era l’eideia de tornar trobar un ambient de campanha coma ne’n coneguèi a l’Unef, quí quò era puslèu «Los Boys-scouts fan de la politica» ò «Pipo e Molo pejan de l’afichas»…

      Pragmaticament, totun, faguèren mèfi a mancar pas ‘na votz que seria estada aus Verds. E mon trabelh consistissiá en far de las besunhas que semblavan dins lo mesme ensem, sens que lo Pòc siá engolit per los Verds.


Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s

%d bloggers like this: