Einucent's Weblog

Protestas de març 2012

Posted in Occitâneries by Mars on Julh 22, 2011

Prepause ‘na charta grafica per las protestas de març 2012. Auretz segut Anèm Òc 2005 Carcassona, Anèm Òc 2007 Besièrs, Anèm Òc 2009 Carcassona tornamai.

Me suvene qu’en 2009 l’eidia circulava jà que «seria ben» de far quauqua-ren de brave, multi polari ; ‘na jornada de mobilisacion bèla au quatres cantons dau país emai coma los autres minorisats de l’hexagone, Alsacians, Arpitans, Bascs, Bretons, Catalans, Corses e Flamencs (quilhs que son cool, los vesins daus Ch’ti, pas los reacs dau costa belge de la frontiera.) A comptar de quí, per los citar pas tots los còps, dirai ‘mas los autres.
Aime bien quela eideia, lo Réseau sortir du nucléaire ò fai e quò representa daus meses e daus meses de coordonament e de mobilisacion, sens comptar que quò desmultiplica la logistica (acculhir lo monde, lor trapar un auberjament, calcular un percors, lo desclarar en prefectura…) e las còlas de militants per se ne’n mainar.
La constrencha d’un eveniment unenc e de far venir dau monde de mai luenh.

Quel’annada podem comptar que los autres militants organisèssen lo mesme jorn ‘na protesta, laidonc faguèi ‘na prepausicion que se plaça dins l’amira d’un eveniment plurau que siria pus «Anèm Òc per la lenga occitana» mas «Est-ce-que j’ai une gueule de patrimoine ?», en responsa a la pita frasa aponduda dins la constitucion. Vos daisse jutjar amb lo dorsièr de presentacion (pdf) que mandèi.


Veiquí quò que respond la persona ressorga de la coordinacion «Anem Òc per la lenga occitana !», a me un un autre contact, qu’es conegut per sa resposabilitats au PÒc.

Desolada de vos deçaupre mai pensi que vòstra idèia pòt pas convenir per la manif… Es una aficha per un partit politic mai pas per la Coordinacion, nimai per l’IEO dins aquesta ocasion.

Per la Manif, se devèm d’apetegar lo monde aquí ambé la sola idèia «Anem Òc per la lenga occitana !» ; que la lenga es lo solet element federator consensuau, comun per totei… ambé de gents tant diferents leis uns deis autrei coma lei desenaus de miliers de personas que volèm convéncer de venir a Tolosa…) de qunte bòrd que siágan… tre que sortèm de la lenga es subjècte de division. Deu convenir a totei lei compausantas de la Coordinacion que son de « culturalas« .

L’aficha de la Coordinacion es facha per informar lo monde que i a una manif «per la lenga»… e li dire de venir. Aquesta aficha es pas facha per faire passar un messatge politic mai per donar enveja au monde de venir lo 31 de març.
Fau laissar lei messatges ai tracts…

Fau que siágue informativa, clara, simpla, colorada, e legibla en un virar d’uelh, neutra e pas subrecargada… Deu faire venir tant lo bof «franchouillard» (mai que chauvin a un peçuc d’estacament a son patoàs) coma leis autrei qu’an benlèu mai de consciéncia occitana mai que son pasmens just simpatizants, ò culturaus, ò apolitics, ò que se pausan gaire de questions, que son pas encartats, que son de sensibilitats politicas pron variadas, ò que son simplament festius, etc, etc
Una carta dins aquesta cas es ja una agression per d’unei…

Per çò qu’es dau patrimòni, emai s’es de mòde d’aquesta passa, se se ne’n podèm passar de ne’n parlar, tant vau mielhs… que per una lenga a un costat encara mai fossilizator me sembla, que sentis l’escofit…

[…] comprèni ben qu’en tant que politics, engatjats, vos agradarà gaire… mai es la realitat de la Coordinacion !

Fau pas mostrar lo(s) territòri(s), Qu’es quò que faria de ma compo de la propaganda politica… amb daus smileys !
Pense puslèu que la viguèi quin avia ‘na còpia dau messatge, e en lo saber militant dau PÒc. Mon examinatritz se faguèt son eideia davant que de visar. ‘La se justifia dau biais «pas de politica» 5 còps en X linhas, mai 1 en precisar «culturau», coma si aviá pas entendut.

Tras la debuta, fuguèt pausada la question  de la portada politica de ‘na revindicacion ligada a l’Occitan.
Los meses davant la davalada de 2005 permetèren jà de constatar que dins lo microcosme occitano-chausa l’aspect politic es cranh coma la pesta. Au nom d’un eucumenisme (bien pratic per l’eschason) lo pauc que i a de compausants politics de queu mitan son estat mes defòra. Quò se tòrna trobar ‘quí amb l’argument de la realitat. Au quite moment de se pausicionar contra la presença dau monde d’extrema dreita tornats pintrats de colors occitanas, la question es estada considerida trenchada amb l’exclusion sistematica de tot partit. D’unes organisators volian pas prenèr la pena de destriar entre quilhs que son democratics e quilhs que ò son pas.
Lo monde de l’ensenhament per contra  son subrerepresentats (3 organisators sus 5.) Lor ròtle de trasmeson lor balha n’aura que los faguèt legitimes per quò… au punt de se creire autorisats a fiular la fin de la recreança.
Entende lo besunh que l’ensem de la coordinacion siá pas nojautat per ‘na chapela magerament de mança (moderada). L’emplaçar per n’autra regla pas la question mas la desplaça. Lo sol punt de vusda acceptable es queu que contesta pas las institucion francesas, mai mantenguèssen l’injusticia que nos es estada facha.
La coerença voldria laidonc que ‘na manif siá pas dins la gama d’accion de queu monde. Me semblan afectats dau syndrome de Stockholm qu’es lor afar, quò lor permet pas ‘na OPA sus lo moviment occitan dins totas sas compausantas. En tot saber que lo PÒc, lo PNO, e Anaram au Patac (Libertat) son convidats a menar dau monde.
Per mesnatjar la susceptibilitat dau monde que se volen pas veire pres en fòto dins lo mesme cortègi qu’un partit, en particulier los dròles, i a mejan de ‘far ‘na ierachia de passatge, lo viguèi far a Naoned, e a Tolosa contra Total (Erika,puèi AZF) : Associacions e individuaus puèi Sindicats puèi Partits, que dins la practica se trobèt a Carca e Besièrs. Perqué se lo ‘magar, es-quò tant importent de poder claronar «Nous, les associations culturelles occitanes…» ?
Aimariá saber se quò se passa entau chas,los autres.

Fau part de quilhs que consideren que la temptativa per far desapareissèr nòstras lengas justifia que lor defensa siá un enfrentament a la volontat dau regime en plaça : Estat reiau, empèri ò Republica. Podrai desenvelopar dins un autre bilhet quò que pense de quò que pòt èsser considerit politic, lo fach de lo redusir au juèc electorau e lo refus sistematic de tot quò que se ne’n sarra, en breu lo considere coma ‘na fugida alèra que se ne’n fau mainar au contrari.
Totparrièr, en mandar ma prepausicion, tenguèi compte dau fach que quò es pas l’eivis dau monde a quines la presentave. Pas de bandièra occitana amb l’Estèla (tròp associada a Fontan), pas d’iconografia de punh levat, de jau françes escanat, de tour Eiffel brejada, de bleublancrouge fotut au borrilh. M’amputèi de tots los còdes visuaus mobilisators de costuma, en tot ensajar de gardar un result que convendria aus autres partenaris mai radicaus.

M’agradèt pas de me far sarrar dins un museu au títol de «patrimoine», redigèi un argumentari per respondre sus queu terrenh. Que l’Estat nos daissa pas la chausida, surtit daus convençuts que seguissen já l’afar, lo lambda auviguèt (benlèu) parlar de nos a quel’eschason, e d’enguerras quò fai longtemps. Queu punt de despart de l’interpelacion, lo chausissèm pas, a la diferença de la dispausicion d’esperit qu’avem per abordar lo sujet : lo considerir (o pas) coma ‘na question politica.
Manifestament, la persona que visèt mon trabelh ne’n legiguèt ren e respondèt per declic pavlovian, «patrimòni (…) sentis l’escofit»

Darrièra remarca. La responsa que m’es estada facha revela la manca de cultura revindicativa. Farjèi un project bastit mercès a ma cultura militanta de compaginacion de campanha e suèi jutjat per quauq’un que cercha ‘na com’ per ‘na kermesse. Calculèi un design sòbre que garda son eficacitat d’impact e se plaça dins la linhada de las bicromias de las 70’s en tot se modernisar. En legir que fau que «siá colorat» e que «deu far venir lo beauf», ai paur que la darrièra aficha de la festa de la musica siá mai dins lo craneu !

simili_festa_musica

Mercès a Lutz per lo desvirament, podetz ‘nar metre un poce levat sus la fanpage Facebook «Anem Òc (…o pas) que serviguèt jà a quela mena de remarcas en 2009.

Advertisements
Tagged with: , ,

5 responsas

Subscribe to comments with RSS.

  1. janpeire said, on Julh 22, 2011 at 11:45 del matin

    Emai me songesse pas i ‘nar, ‘na carta entau realisada vau 1000 erplicacions. Marces a te. Me vau còp sec deschargar lu fichier PDF.

    • Mars said, on Julh 22, 2011 at 5:21 del tantòst

      Mercès JP.
      L’eideia era bien de balhar un repère visuau per
      – quilhs que se damandan d’enguerras ente que i a de las lengas concernidas
      – que saben pas que dins lor parçan i a un tresaur ‘magat
      – quilhs que rasonan en se basar sus las «régions» administrativas que nos trocinan
      – quilhs que se figuran que un país identifiable coma Corsega se sarra dins un classament demest daus despartiments artificiaus
      – quilhs que volen pas entendre que la question despassa las frontieras francesas

      Fau ‘na distinccion entre los nòstres cas e queu de las lengas d’Oïl. Son estadas minorisadas elas tamben,solide, mas son cosinas dau françès que, solet, aguet accès a l’oficialitat. Per me son las solas que desmeritan lo nom de «régionales».

  2. Mars said, on Julh 22, 2011 at 5:39 del tantòst

    Los organisaires en 2005 : Calandreta, Conselh Representatiu de la Joventud d’Oc, FELCO, IEO, Òc-Bi
    en 2007 : Calandreta, Conselh Representatiu de la Joventud d’Oc, Felibrige, FELCO, IEO, Òc-Bi
    en 2009 : Calandreta, Felibrige, FELCO, IEO, Òc-Bi
    aprene qu’en 2012 demòra ‘mas : Calandreta, IEO, Òc-Bi

  3. Bisalhol said, on Julh 23, 2011 at 10:23 del matin

    Adiu,
    Brava aficha, mas li reprocharai tot de mesma de negar las lutas (quasi invisiblas e inauviblas mas qu’eisisten) daus Normands, Gallos, Champenois, Picards e autres Berrichons que luchen, ilhs aitot, contra la disparicion de lur linga e de lur cultura… L’opausicion reala demora, segon me, Paris contra « Provincia » e non pas Oïl contra lo resta de la França…

    • Mars said, on Julh 26, 2011 at 3:08 del tantòst

      Me lo faguèren mainar, que fau trapar ‘na plaça per las lengas d’Oïl dins quel’afar. Considère que l’injusticia facha a n’autres es facha a daus «países» conquistats per França, allèra que la quela que lor es facha a ilhs es lo manca de reconeissença de la pluralitat demest un meme país «França».
      Qu’es ‘rai que lo processus es estat menat au dediens d’un mesme Estat per aver un result completament equivalent. Quò nos plaça dins la mesma situacion legala.


Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s

%d bloggers like this: