Contunhèi de pejar la tela en reperar traucs per chavilhas : lo principi n’es de metre la chavilha dejos la tela, per daissar un minimum de traças sus la paret chabada. Prumièr, ieu peje, coma se n’i avia pas, segond fendilhe au cutter a l’endrech qu’un vis deurá poder passar, e ieu pintre en saber ente qu’es lo trauc. Fau passar ‘na punta dins la pintrura frescha per boschar pas lo trauc totparrièr.
Per lo panneu radiant, las chavilhas furnidas an un ergòt, que pensèi que tendria la tela dediens. Trauchèi mas plaçarai las chavilhas aprèp d’aver pintrat, veiquí un «davant-aprèp» quitament pas fach esprès.
Veiquí quò que balha dejos l’interrupteur, qu’es bon tras la prumièra lissa.
La tela es pejada de pertot, las iregularitats degudas a l’enduch se vesen totjorn, mas beucòp mens. Botam ‘na jos-lissa de pintrura blancha pertot, per ò constatar. 
Calculam ‘na segonda lissa de blanc per totas las parets manca lo fons de l’armari
La potra lasurada suportará un còp de netiar.
Jà ier, diMarç, a ser podiam jà veire quò :
…e la paret contra la chambra d’aiga, que l’i sira la testa dau liech. Quela de ‘quí sira Mauva (‘la l’es aura)
Lo chambran de la pòrta esperava de venir gris de quèu costat per èsser coma lo demai dau bòsc dins lo sejorn ( las plintas ò son jà.) Veiquí sas doas lissas.
Quò s’i veu mielh entau.
Cool ! Quò que i a de bon amb la pintrura, qu’es de ne’n poder veire la pogression, ooof ! Quela chambra sembla enfin d’un endrech d’i restar.
Vos daisse precia a l’encòp lo trabelh de Lutz per rechampir en Mauva lo bòrd de la paret colorada, e ‘preciar la paret pas dreita que nos daissèren los de davant e que me faguèt m’esmaronhar tot lo long de quèu blog. ‘La se fai bien mainar amb lo chamnhament de color…
Vos mete tamben ‘na conaria que nos faguèt rire en pensar qu’aviam trabelhat leu ! (fau clicar dessur per veire l’animacion…)
Einucent's Weblog 
« Violet », precisament « pruna ».