Parquet connexion

La paret dau fons a sa segonda lissa de violet, esperam n’oreta en tirar tot quò que podem per desliurar plaça au sòl.

Volèm junhèrlo parquet a l’existent e la tirar la complicacion que representa lo panh de paret de biais. Ne’n profieche per mostrar coma convirar ‘na motladura que lo diguèi pas lo còp passat. Prene un object de talha fixa (‘na cala) e la tene perpendiculara a la paret ente que i a la fòrma tòrta que vòle representar. Mantene un gredon a distancia, a vusda de nas, amb la cala e trace la fòrma sus mon bocin de parquet de trenchar. Per tirar lo dediens aproche la seja a mesura, en tirar daus pitits bocins que ne’n vesètz lo puzzle debas.

a l’autre fons trencham lo panh de biais, au punt que ier a ser eram ‘quí :

Uèi, nos fau passar lo talhèr dins lo sejorn per contunhar, quò nos ramenta lo temps que l’amesnatjavam…Per lo demai podem veire la progression dins la jornada (merçès a l’aparelh qu’enregistra las oras)
17:17, passam la prumiera chamba de l’armari ;
18:24,
18:57,
19:09, sarram la segonda chamba de l’armari
21:04, avèm bordat lo fons.

Nos demora d’enguerras las plintas a clavelar, lo panneu radiant a fixar (que los traucs son ‘quí) puèi tornar metre los vis per la charniera de la pòrta. Quilhs trabelhs de finisons siran nòstre menut per la diumenjada dau 15 dau mes d’agost.