Einucent's Weblog

Queste còp qu’es chabat !

Posted in Marengo by Mars on Setembre 24, 2011

Me suvene d’aver après que los indians d’Amazonia, passan daus mes e daus mes a colectar lo bòsc e las palmas per bastir lor maison puèi que se meten tots ensem per la bastir dins la jornada. Qu’es pas completament entau que nos l’i prenguèrem mas qu’es l’eideia, a la gròssa.

Vos aviá contat que daissèi sus la paret daus traucs per i vissar los encairs,
…vos aviá contat tamben que talhèrem de las pòsts per segre au mielh los angles de que fons de chambra. Aura perfeccionam las pèças de Meccano™ en pre-trauchar las pòsts per que l’encair puchèsse tenèr dessur e que quò siá pas pesug a vissar un còp tengut (asardosament) a la plaça que volèm qu’ocupèsse.
Assemblam dins lo mesme temps los triangles R… a las pòsts C…, que n’auram besunh per lor segurar daus punts d’apiejar sus 3 costats.

Coma volèm pas prenèr tròp de riscs tampauc, començam per la 6′ que pausa au sòl, e fixam la 5 per dessur (quò fai jà de qué se ‘magar dejós),
quilham la 9, quò nos fai de qué prenèr dessur las autras : 7, 8 e 3+R5 per barrar. 2+R4 ven en mai per far la basa dau blòc de casas C…

Tornam dau costat pendaria en metre 6 dins l’alinhament (hem… entau coma la paret lo permet) puèi la bara, que ten a l’encòp 4. De las bòstias de chaussaduras trapèren jà lor plaça.

Amb ‘na plena brassada de jurons pausam lo blòc C… e sens lo daissar tombar vissam los encairs per ò mantenèr en plaça. Demòra ‘mas de fixar 1+R1 per dessur.

Lutz s’afana de nettiar bien tota la sejadura…
…per poder veire en fin de jornada quò que balha amb los vestits dediens.

Aprèp, metre daus pès au sommier es estat tot simple. Dempuèi i podèm durmir

Advertisements
Tagged with: , ,

Quauques pitits rens que fau bien chabar.

Posted in Marengo by Mars on Setembre 2, 2011

Nos demòra de clavelar las plintas a la chambra, ne’n profieche per ò espausar en detalh, que l’aviá pas fach per lo sejorn.
Comence per dispausar mas plintas per las trenchar a la bona mesura en tornar utilisar las chasudas au maximum.

Per las assemblar en virar a l’entorn d’un angle, fau sejar en plaçar la pòsts dins ‘na bòstia que la mantenh amb la bona clinason, la lama de la seja es guidada. Quò vira per 45°, si de non, se fau petaçar au cutter.

Los costats de paret que se vesen an ‘na plinta e lo fons de l’armari a ‘mas besunh de ‘na bageta. Vos daisse un darrièr còp d’uèlh sus l’eschalier de lamas de parquet que nos faguèt far quela paret sensada èsser dreita 😉 .

Un còp pausadas Lutz tòrna passar un còp de gris sus los claveus per los ‘magar.
…lo long de la paret costat finestra :
…puèi, lo long de la paret costat chambra d’aiga :
…mai la bagueta dau fons de l’armari :

Desmontèren la pìorta per la virar de costat e la far dubrir contra la paret (e pas contra lo liech !) Un prumièr ensaj nos mostrèt que falia corrigir un pauc lo chambra, tròp espès bon ras la charniera per la daissar se barrar bien. talhèrem un pauc en dejos de la pintrura per ‘ribar au bon result.
Visaretz que lo bocin de plastic que ‘maga l’interrupteur es estat assortir au bòsc.

Per chabar, placèrem un paneu radiant en plaça dau vielh convecteur qu’era desmontat dempuèi 2 ans.