Einucent's Weblog

Plombariá 2

Posted in Marengo by Mars on Genièr 19, 2010

La bujadiera era dins la cuesina, pas question de l’i daissar, fau jà comptar en percir l’espandi entre cuesina e sejorn…

Sa presa electrica es jà mesa a la chambra d’aiga, aura manca de lhi menar daus tudeus per l’aiga que ‘rieba, e per la quela de tirar. Per l’aiga que ‘rieba, José se maina de far las soduras, que ieu m’i aventure pas. Per l’aiga d’evacuar, me lance dins los afars de canalisacions.

A la cuesina, ieu sije la vielha evacuacion qu’era ‘quí de basa (quò put ! i a pus de siphon per ‘magar las sentor) vam boschar queu tudeu amb un pitit manchon que podrá acculhir un tapon. Suei desolat de vos prepausar pas de las fòtos melhoras, quelas de ‘quí son estadas presas amb un telefòne e Photoshop faguèt lo demai per las far pron claras. Tot lo biais qu’es indicatiu.

Dins la chambra d’aiga, qu’es n’autre afar. Vam poder comptar sus lo cagador per nos furnir ‘na ribada e ‘na surtida. Son evacuacion d’origina es en L, per pertir junhèr dejós la banhadoira. Lo sije bon ras, lo vau emplaçar per un T,ieu lo junhe sus lo gros tudeu ad’un fons e ieu peje un tapon trauchat en fácia que permetrà de branchar dessur lo tudeu qu’era jós la baciá davant. Lo tresenc fons (eh, un T a 3 fons !), ben vos fau pas un dessenh de quò que vai dediens…

Podetz constatar que José a sodat un tudeu que fai ‘na derivacion en pertir de queu que mena l’aiga a la reserva dau cagador. Òu passa lo long de la paret darrièr la dicha reserva. I a de tant mai la plaça que lo T l’aluencha un pauc mai de la paret, urosament que lo bòl era mau vissat au sòl. E se chaba per lo flexible e son botet qu’eran plaçats en derivacion (jà !) a la cuesina. La bujadiera pòt prener de l’aiga clara.

Me demòra ‘mas d’i pejar lo bocin de tudeu equipat d’un siphon, que Lutz a jà vissat los suppòrts que tendran lo tot quilhat en plaça. La bujadiera pòt aura tamben tirar son aiga lorda.

Las fòtos me disen que las son estadas presas lo 2 de novembre, queu post fai part de ‘na seria de tornar trapar l’istorique daus eveniments…

Advertisements

Qu’es Lutz que ò fai !

Posted in Marengo by Mars on Octòbre 8, 2009

goulotte1

Uèi, me falia chabar lo trabelh precís e pesug de fixar los fiaus (tròp corts) la presa de la chambra dins un recanton ente m’i pòde pas tenèr a ma man. goulotte2Aviá ‘restat ièr de ser au moment que me vesiá fotre un còp de ranger dins lo fotralh. Aura que poguèi barrar lo cubert, gause pas la tornar dubrir per ren que siá ! Ai vòugut far passar lo fiau de telefòne au bèu dediens de las bòstias e me trape de deurefar passar los fiaus electric en dejós de la bòstia de telefòne. Bon quò sirá bien ‘magat e tot los biais qu’es pas un espaci public, sèm ‘mas dos d’i èsser convidats, d’abòrd !

lutz-faiDins quèu temps Lutz me dissèt que ‘la volia far ela lo demai que demorava, qu’es de dire deseparar la linha que ‘rieba au convecteur de la chambra d’aiga per ne’n far ‘na presa per la bujadiera e lo lonjar juscanta ‘na nuvela surtida de cables per tornar plaçar lo convecteur. ‘La comença per reperar sos traucs per lo supòrt e la surtida de cables. Puèi la passa un brave temps de jugar amb la ‘gulha entre lo trauc existent e lo que la chavèt mas (m’i ensajèi tamben, quilhs cornards fotèren de la lana de veire dins ‘na paret interna a la chambra d’aiga). La presa pren la plaça debas, lo supòrt s’installa au plan de dessur e lo fiau dau convecteur ven se junhèr amb un domino, pròpament dins la bòstia de surtida de cables. ‘La era tota fieròta ma bricol’girl !

lutz-fai_2

lo fiau 'riba sus naut, la presa es pausada debas

lutz-fai_1

aprèp d'aver trauchat descubrissèm que la lana de veire vai geinar la 'gulha

lutz-fai_4

e veiquí lo trabelh !

lutz-fai_3

la coneccion dau fiaus, sus un trastèu qu'es mielh per s'esmaronhar pas …