Einucent's Weblog

Carrelatge de las parets de la cosina !

Posted in Marengo by lutzdetolosa on decembre 3, 2010

Re-adissiatz brave monde ! Segond còp que preni lo clavièr per contar aquí que si, si, malgrat las aparéncias, trabalhi tanben ! 🙂

Acabèri lo carrelatge de las parets de la cosina que l’òme comencèt, per qu’el posquèsse anar començar las parets de la cambra (reperatge, bastison, seguida del bastison, lintèl…) M’agradèt plan coma job !

E vaquí la resulta, un còp tot acabat e sec ! 🙂

Una polida cosina operacionala. E sabètz qué ? E ben, dempuèi, me meti a cosinar !

Advertisements
Tagged with: , ,

Finisons de la cuesina 1

Posted in Marengo by Mars on Novembre 19, 2010

Vos contèi que per far mos sòcles de paret a la chambra de durmir, me falia usar daus fons de gaschada de carèus. Restèi donc ma talha de blòcs per tornar pausar daus carèus e enfin veire pus las traças vòras daissadas per lo lino murau.

Pause un prumièr reng bon ras lo plan de trabelh, que me segura de ò aver drech. Puèi me dise que tots los biais faudra metre quela hotte en plaça, laidonc tant vau lo far de sega, que podrai profiechar de sa clarda per la lòtja. Semblaria que ne’n prenguèi pas de fòtos.

Aprèp, emplene l’espandi entre la lòtja e lo canton per’mor que l’i son 2 presas electricas e vòle tirar la complicacion en prioritat. Ai pas pron de peja per far tot d’un còp mais completarai lo darrrièr reng a mesura de mas gaschadas de venir.

Aprèp me prene coma repère l’areta que fai la lòtja per contunhar dins l’autres sens (de vers la pòrta de dintrar). Trenchèi mos carèus roges de tau biais que la part entre lo plan de trabelh e lo plan de la lòtja fai lo complement per la banda roja de mesma nautor au fons (verticau) de la lòtja. Los peje, tamben coma quilhs que fan la ligason.

Bosche lo mitan aprèp, dau mai plan que pòde, que lo plan de la lòtja es estat pintrat sur ‘na surfácia de pitits grums, coma se veu d’enguerras au fons.

Aprèp tornèi a ma bastison e Lutz prenguèt lo relai, urosament per me !

Las fòtos me disen que son estadas presas entre lo 16 e lo 24 de setembre.

Tagged with: ,

Linteu de l’armari

Posted in Marengo by Mars on Novembre 17, 2010

Pitit retorn rapòrt a quò que mostrèi jà : Bastiguèi juscant’au niveu 2. Profieche d’aver pron de plaça per reperar la fòrma de mos blòcs que pausaran sus la potra. Sabe que me demòra (tant a Mança qu’a dreita) 90cm de montar (quò qu’es representat en puntejat), los pòrte sus ‘na regla…

Place ma potra, que son espessor sirà la parrièra un còp maçonada, puei mos blòcs de talhar (representats meitat trasparents) per dessur, en equilibri. Un per un, en tot reperar lor emplaçament teoric sus la potra.

Armat de ma regla e de n’encair, fau segre lo desnivelament dau plafond per fin d’aver un traçat equivalent sus mos blòcs. 2 entiers a man Mança, un entier e ‘na chasuda de meitat a man dreita. L’entre dos sira comblat amb un bocin de chasuda talhat au mai prèp, dau mesme biais que ‘na clef de voûte (manca qu’es pas ‘na voûte…)

Quò me fai daus blòcs sarrats au mai prèp de l’espandi qu’ai mestièr d’ocupar. Dins la practica, deuran èsser un pauc redusit per comptar amb l’espessor de peja entre chasque niveu. Un còp que son plaçats (en fòrça) dessenhe un trach equivalent a quò que faudria tirar.

Los place pel sòl e balhe un bon còp de la raspa magica de Christian per ne’n davalar lo niveu, d’un costat (lo naut) mai de l’autre (lo bas).

Calcule que podrai pas gaire apondre de la peja sus lo fons naut, un còp que siran plaçats ; amai quò risca de se tirar au moment de rasclar lo plafons per ‘ribar a la bona plaça. Per èsser segur de ne’n gardar pron, me chave un casdrilhatge que tendrá bien quò que tendrá… Lo casdrilhatge permet, d’un sens l’autre de verificar la prundor (aus crotzaments e d’un blòc l’autre)

Veiquí lo result que pogueretz jà veire i a quauques jorns.

Tagged with: , ,

Ente ne’n sèm per aura

Posted in Marengo by Mars on Novembre 11, 2010

‘Na fòto sens esperar mantuns mes de retard per un còp.

Tagged with: , ,

Avançam !

Posted in Marengo by Mars on Abriu 3, 2010

Quauques imatges per enentendre ente ne’n èrem a la debuta dau mès de març.Me fau daus guides de cartons per saber coma trenchar mas pòsts de far los seus.

…los place bon ras las unas de las autras, la pita que fai la façada de seu es fixada prumièr, per dejós, entau quò se veu pas.

Pòrte lo tòrt de la paret sus un carton tamben per poder dobar lo plan de trabelh. Podetz constatar la brava diferença, a l’entorn d’un detzenat de cm !

Aura que coneisse l’espandi ocupat per lo plan de trabelh, pòde i plaçar la placa de cueson, en pertir de sas mesuras. Punteje ente que sira lo trauc fach a la seja cilindrica puei trace los fons dau trauc d’entier en prenèr las tangentas. Naturalament quò se deu far sus lo revèrs, que en tornar montar, le seja electrica en tornar montar, talas coma son sas dents escharonhan la fácia que se veu mas daissa ‘na copa neta sus la fácia qu’es virada vers lo sòl.

Per la baciá qu’es mai simple, ‘la es mens pesuga de pausar de revers per traçar.

E coma chas Ikea pensèren au monde que se volen personalisar lo costat que sirá lo pitit bac, prepausan l’ustilh que permet de se trenchar l’inox per passar lorobinet dau bon biais.

Lo prumier plan de trabelh passa tot bèu, podetz veire que fauguèt chavar un pitit pauc lo montant dau bar per lhi permetre de dintar bien.

Son cosin ven prenèr lo demai de plaça que daissèrem. Demòra non-mas 1-2 mm qu’empleniram amb dau junt silicòne aprèp d’aver segurat lo niveu amb daus encairs, coma ne’n i a jà per las estagieras dejós.

Los plans de trabelhs amb lors elements encasdrats dediens : baciá e placa de cueson.

Taulets

Posted in Marengo by Mars on Març 8, 2010

Dau temps que ‘la se mainava de fustariá, Lutz lasurèt tamben las pòsts que van far daus taulets sus lo beton celulari, veiquí lo pitit pan de paret que dessepara la cuesina de la pòrta de dintrar, amb las pòsts blanchas dau dejós que son estadas recuperadas dins las vòrras qu’eran vissadas sus la pòrta

E veiquí la dau bar qu’es d’engerras a sechar per esperar sa tresena lissa, auretz calculat en passar que lo bar venguèt violet…

Las fòtos me disen que las son estadas presas entre lo 13 e lo 20 de febrièr, queu post fai part de ‘na seria de tornar trapar l’istorique daus eveniments…

carreus 2, plintas e junts

Posted in Marengo by Mars on Març 8, 2010

L’i aviá pas pensat a la debuta, mas qu’es colhon de pausar daus carreus pel sòl sens plinta per protegir dins lo cas que l’i a de l’aiga que vai daicianta la paret. Laidonc calcule quant-ben de carreus de demoran e chausisse de far de las trenchas de 7cm dediens, entau ‘las siran tant nautas coma las plintas de fusta que bordejaran lo demai de la chambra. Un còp tot talhat me demòra ‘mas un carreu entièr, non solament nos sem pas manquats dins la quantitat de ‘chaptar mas tampauc ne’n petèi pas tròp au punt d’èsser cort sus la fin…

Pause de las plintas dins los recantons qu’acculhiran lo frigò e lo mòble de la mamet de Lutz que ‘la i ten coma a sos uèlhs.

Ne’n mete tamben entre las chambas que formaran un mòble jós la baciá, quelas de quí que se veiran pas a la fin son presa en prioritat dins lo mitan d’un carreu, i a pas besunh d’aver un bòrd brave. Me permetran de tenèr la pòst de sèu. Ami ‘las me rigidifian l’estacha de la colona en L qu pòrta los plans de trabelhs a lor junccion. Mencion d’emmerdament especiala per passar au maximum darrièr los tudeu d’evacuar l’aiga.


Aprèp fau emplenir los cròs de mastic de junts quò se gascha mau per qué quò es fach per èsser estanche laidonc quò se boira mau dins l’aiga. Se ne’n pausa mai que necite e s’essuja tant qu’es fresch ; fau esperar un pauc, que « tire » mas pas tròp per si de non se tira tot en grumèus ò se tira pas… Urosament la sufàcia es pron pita per lo graissar de pertot davant de tornar a la debuta. Me manque un pauc sus la quantitat de gaschar e l’i a 6 lonjors que deuran esperar la sesilha d’aprèp.


Las fòtos me disen que las son estadas presas entre lo 16 e lo 18 de decembre, queu post fai part de ‘na seria de tornar trapar l’istorique daus eveniments…

Tagged with: , ,

Carrèus 1

Posted in Marengo by Mars on Genièr 28, 2010

Los carrèus an un motiu texturat mas quò es pas regularament lo parrièr, laidonc i a pas besunh de los dispausar en los orientar. Tant mielh, se pòt tornar plaçar ‘na chasuda mai cepte. Lutz los chausiguèt en coneissènça.

Per èsser segur de gardar un junt regulier entre mos carrèus, empleje daus pitits crotzilhons de plastic, los plaçe quilhats per los poder tirar un còp la peja sechada. Normalament n’i a pas mestièr, se plaçan au fond dau junt e l’i demoran. Mas aime mielh entau, qu’es mai pròpe.

Coma per maçonar lo beton celulari, me gasche ren-mas la quantitat que n’aurai besunh. Lo sac me dís que per 25 Kg fau 5 a 6 L d’aiga, me fau ‘na regla de 3 per usar 769g dins 200 mL, quò representa lo volum que pòde brassar dins mon auseu. Lo quite peson de cuesina es mes a contribucion sus queu chantier !

Me fau un repere en pertir dau mitan de l’espandi que sirá cubert, ‘fin dise lo mitan, qu’es pas exactament quò, lo fau tombar ente que fai mos afars per ne’n aver pas tròp de trenchar. Mas totparrièr, las parets son pron tòrtas per pertir d’un costat. Vau mielh aver un quadrilhatge regulier fins a rescontrar la paret. Trace doas linhas perpendicularas au sòl e pause dessur un carrèu de referença. A comptar de ‘quò, sabe pron precisament quant ben de carrèus me siran necites e quin son quilhs de trenchar, coma los pause sur un plan, me pòde reperar amb lo limeròs de la batalha navala… Calcule tamben dins quin òrdre los vau pausar per marchar pas sus daus que sirian pas tenguts sechats. Pòde dire las datas a posteriori.

Per saber ente trenchar los carrèus, los pause a sec, sens peja, a la plaça que siran en me reperar dempuèi queu de referença (D3) ; juscanta ‘ribar contra ‘na paret que me demòra pas la plaça per un carrèu entièr. Ieu pause lo carrèu de trenchar en dessur dau darrièr carrèu pausat au sòl, prene 2 crotzilhons e los place lo long dau costat dau carrèu a trenchar, bon ras de queu qu’es jà au sòl d’un bais que quò me lo sarra un pauc mai prèmi de la paret, de la distança que representa lo junt. Un còp installats, prene un tresenc carrèus entier que place per dessur lo tot mas queste còp, en l’alinhar sur la paret, (que la siá drecha ò pas !) la part de carrèu pas cuberta fai entau la mesma distança que la part au sòl entre lo carrèu pausat a sec e la paret. Podria aver ‘na diferença d’escart a mesura qu’on s’aluencha dau sòl, mas ‘quí, sus l’espessor d’un carrèu suèi quitament mai prèmi de l’escart definitiu en comptar l’espessor de mortièr-peja. Representèi lo scheme en copa dins la nautor, lo procès siert tamben per reperar l’angle de copa rapòrt a ‘na paret que siria pas d’encair.

La carrelette siert per las copas drechas. Son plateu es susmontat de ralhs sus quins circula un manhle equipat de ‘na rotleta que fai lama (pron dura, au carbure.) Fau raiar lo carrèu per far ‘na fissura dins sa susfàcia emalhada davant de lo petar en dos en esperar que quò siguèsse la fissura. Quò marcha pas tots los còps, qu’es per quela rason que i a pas mau de chasudas que fau tornar usar coma om pòt. Per las copas mai complexas, fau sijar paciament lo carrèu emb de ‘na lama au carbure (dau biais de las sijas de metaus.)

Lo C2 es sijat de tau biais que « daissa passar » la colona que pòrta a la jonccion daus plans de trabelh. Los B3, B5 e D2 m’aurian fach prenèr tròp de risc (de los petar…), chausiguèi de los pausar en mantuns bocins. Parrièr dau A1 que deu convirar la surtida daus tudeus. Qu’es pas pro grave, que siran dejós lo sòcle dau mòble de cuesina. Per contra usèi en B2 un carrèu qu’aviá pas pron raiat e que se fendèt en crotz. Tamben fotèi un pet (au malhet) de tròp sus lo A7, au punt que butava jà sus lo ciment e que me faguèt ‘na brava estiala. Au despart de quelas cagadas, los autres van plan, son dreches e de niveu (bon, gaireben de niveu)

Las fòtos me disen que las son estadas presas entre lo 26 de novembre e lo 10 de decembre, queu post fai part de ‘na seria de tornar trapar l’istorique daus eveniments…

Tagged with: , ,

Finisons

Posted in Marengo by Mars on Genièr 26, 2010

Las parets de beton celulari son quilhadas, avetz pogut constatar que d’unas son vengudas mai blanchas que pas las autras. Fau saber que i a dau trabelh de ponçatge per tornar trapar totas la ‘pitas pecas d’alinhament. Urosament, quò se raspa bien. Christian me prestèt un utilh qu’es bien …utile, per corrigir lo niveu de las dalas, en perticulièr las trenchas que sijèi pas totjorn bien perpendicularament. Quò sembla a’na brava talòcha cuberta d’esmerilh, larja e lonja casi tant que ‘na dala, que permet de ne’n corrigir los defauts sus tota la distança. Aura que ma paret es montada, me’n vau servir sus la susfàcia tamben. Puèi sus los fons que son estats salopejats per lo darrièr nivèu, fau ben dire. Suèi brave, vos mete un rapel dau sheme qu’avetz ‘gut jusc’anta ‘quí per vos reperar :


Demòra ‘mas de lissar lo tot per que bèguèsse pas tròp la pintrura. Lutz a jà ‘gut l’eideia de gèni d’usar dau MAP coma enduch per quò far. Tire pas la marca, qu’es brave coma ‘na publicitat.

Las fòtos me disen que las son estadas presas entre lo 25 e lo 26 de novembre, queu post fai part de ‘na seria de tornar trapar l’istorique daus eveniments…

Tagged with: , ,

Bastison 3

Posted in Marengo by Mars on Genièr 26, 2010

Bon, aprèp d’aver bien trainat per saber coma m’i prenèr, l’i vau. Avetz pogut legir dins los posts de davant coma faguèi las chambas que farjan daus espacis de sarrar las chausas en tot portar lo taulet de plan de trabelh. Mas vos dobtetz plan que lo temps que las dalas sagelladas au sòl sian sechas per acculhir lo nivèu de dessur, vau pas demorar entau a ren far. Laidonc, comence mon prumièr reng de dalas per lo bar mai per las pòsts de la dintrada.

Quí, me vesetz a chabar ma gaschada. Lo gros lego que tene deut ‘nar chabar la paret (en tornar barrar juscant’ente se trapa lo malhèt) e coma qu’era lo ser e que demorava pauc de mortier, ne’n use lo mai possible per far as regalha en pejar mos bocin que pausarai l’endeman.

Fau dire doas chausas :

Christian un autre amic de Lutz, me dissèt que lo beton celulari se pejava plan amb la peja pels carrèus. Coma sem pertits a daus trabelhs de grand eschalon, ai 25 kg de peja que faran beucòp tròp per los 3 paures m² que me fau carrelar. Prene donc lo parit que podrai tot maçonar emb quela peja. Veiquí perquélos junt semblan tant gris allèra que la peja esprès per lo beton celulari siria semblada mai blancha, de veire aprèp coma se comportará jós l’enduch.

Segondament, e qu’es per quò que fau quela descripcion, lo ciment au sòl es « mai o mens » de niveu, quò vòu dire que per me segurar de las parets de niveu, ieu coije dejós un mortier densifiat amb de l’arena. Mai espès, ò se rascla a la bona nautor sens sogalar de pertot, e me fai un sòcle per pausar mon prumièr reng bien planièr.

Vos preje de constatar

  • lo nivèu pausat sus la paret dau bar, lo plomb pausat a mos pès que fasian mestièr per bastir ‘na parèt seriosament (eh oc-es !
  • la talòcha, que me siert subretot per apusar ‘na dala alinhada coma la de davant (per se calar sus son pausicionament de nivèu e a l’aplomb, quitament se fau verifiar)
  • Lo malhèt e lo pinhe de crans (blanc, dins lo pòrta-mortièr) que lo dich mortièr se pausa coma per dau carrèus, en daissar mais l’espessor necessària, dau lego vos dise !

sentissèi pas lo besunh de trabucar l’imatge per vos mostar los actors, m’agada mielh passar a la seguda.

lo 16 de novembre :

lo 20 de novembre :

lo 23 de novembre :

Ooof, quò ten drech ! I aura dau trabelhs de finison, vesètz jà los junts sus las chambas e quauques trauchinons tapats au MAP (las traçats de blanc.) Espere que lo reir-grand-pair (qu’era maçon, a Lyon) aura pas tròp vergonha de mon trabelh de gojat.

Queu post fai part de ‘na seria de tornar trapar l’istorique daus eveniments…

Tagged with: , ,